Gəncədə bədbəxt hadisə
Gəncə şəhərində hazırda tikilən binada ustanın yıxılaraq ölməsinə görə cinayət işi başlanılıb.
Gəncə prokurorluğundan verilən məlumata görə, sentyabr ayının 3-də saat 15:00 radələrində Gəncə şəhəri ərazisində inşa olunan hündürmərtəbəli yaşayış binasından usta yıxılaraq aldığı xəsarətlərdən ölüb.
İlkin araşdırmalara görə 1991-ci il təvəllüdlü Azər Yusifov şəhərin Azərbaycan bayrağı küçəsində “Hünər İnşaatçı” MMC tərəfindən inşa olunan hündürmərtəbəli yaşayış binasının 6-cı mərtəbəsində texniki işlərin görülməsi zamanı hündürlükdən yıxılıb və aldığı xəsarətlərdən ölüb.
Faktla bağlı Gəncə şəhər prokurorluğunda Cinayət Məcəlləsinin 222.3-cü (tikinti, mədən işlərinin və sair işlərin aparılmasının təhlükəsizlik qaydalarını pozma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb, o cümlədən zəruri ekspertizalar təyin olunub.
Hal-hazırda iş üzrə zəruri istintaq hərəkətləri davam etdirilir.
Mənbə: Qafqazinfo
About The Author
