Sabahdan Bakının girişindəki bütün postlar yığışdırılır- RƏSMİ
Daxili İşlər Nazirliyi Bakıdan rayonlara gediş-gəlişin açılması ilə bağlı açıqlama verib.
DİN Baş Dövlət Yol Polisi İdarəsinin mətbuat katibi, polkovnik Kamran Əliyev açıqlamasında bildirib ki, bu gecə saat 12-dən etibarən karantin postları fəaliyyətini dayandıracaq:
”Postlar əsas etibarilə sərtləşdirilmiş xüsusi karantin rejimi tətbiq edilmiş inzibati ərazilərə giriş-çıxışa tətbiq olunmuş məhdudiyyətlərə nəzarət edilməsi məqsədilə təşkil edilmişdi.
Lakin ictimai nəqliyyat vasitələri ilə sərnişin daşınma fəaliyyəti istisna olmaqla həmin məhdudiyyətlər bu gecə saat 00:00-dan ləğv edildiyi üçün nəqliyyat vasitələrinin yoxlanılması prosesi və ümumiyyətlə postların fəaliyyəti də dayandırılacaq.
Karantin postlarındakı müəyyən avadanlıqlar və qurğular hələ ki orada qalacaq.
Çünki yoluxma sayının bundan sonra necə olacağı və buna uyğun hansı qərarın veriləcəyi məlum deyil.
Mənbə: Qafqazinfo
About The Author
