Azərbaycan – Fransa oyununun vaxtı müəyyənləşib
21 yaşadək futbolçulardan ibarət Azərbaycan millisinin növbəti oyununun məkanı və başlama saatı müəyyənləşib.
AFFA-nın rəsmi saytının məlumatına görə, yığmamız Avropa çempionatının seçmə mərhələsi çərçivəsində Fransanı sentyabrın 7-də qəbul edəcək.
Qarşılaşma Sumqayıt şəhərindəki “Kapital Bank Arena”da keçiriləcək və saat 21:00-da başlayacaq.
Qeyd edək ki, yer aldığı 2-ci qrupda keçirdiyi 6 oyunda 6 xal toplayan U-21 millimiz 5-ci pillədə qərarlaşır.
Mənbə: APA
About The Author
