Mingəçevirdə dəhşətli avtomobil qəzası
Daxili İşlər Nazirliyi (DİN) Mingəçevirdə bir nəfərin ölümü, 6 nəfərin xəsarət alması ilə nəticələnən hadisə ilə bağlı məlumat yayıb.
Verilən məlumata görə, iyunun 12-i saat 16:00 radələrində Mingəçevir şəhəri ərazisində şəhər sakinləri T.Mövlamovun idarə etdiyi “Hyundai” və K.Ağayevin idarə etdiyi “Mercedes” markalı avtomobillər toqquşduqdan sonra idarəetməni itirmiş və “Mercedes” markalı avtomobil yolun kənarında dayanmış 6 nəfəri vuraraq elektrik dirəyinə dəyib.
Dirəyin aşması nəticəsində Ağdam rayon sakini Təzəgül Abbasova hadisə yerindəcə həlak olub. Digər 5 nəfər isə xəstəxanaya yerləşdirilib.
Hazırda işlə bağlı Mingəçevir ŞPŞ
tərəfindən araşdırma aparılır.
Mənbə: Sonxəbər
Fidan İsrafilzadə
About The Author
