MİQ üzrə müsabiqənin test mərhələsi başlayıb
Bu gün müəllimlərin işə qəbulu üzrə müsabiqənin test mərhələsi başlayıb.
Təhsil Nazirliyindən verilən məlumata görə, bu mərhələdə 46 228 namizəd iştirak hüququ qazanıb.
Qeyd edək ki, bu gün Fizika və Fransız dili fənlərindən test imtahanı keçiriləcək.
İmtahanlar Tibbi Ərazi Bölmələrini İdarəetmə Birliyinin (TƏBİB) “İmtahanlar zamanı koronavirus infeksiyasının (COVİD-19) profilaktikasına dair” metodiki göstərişləri nəzərə alınmaqla imtahan iştirakçıları üçün hazırlanmış təlimata uyğun təşkil ediləcək.
İmtahana gələn namizədlərin şəxsi səhifələrində qeyd olunacaq vaxtdan 1 saat əvvəl imtahan təşkil edilən mərkəzdə olmaları zəruridir. Namizədlər tibbi maskada olmalı, şəxsiyyəti təsdiq edən sənədin əslini və şəxsi səhifədən çıxarışı özləri ilə gətirməlidirlər.
Mənbə: APA
About The Author
