Sərvəti 200 mlrd. dolları ötən ilk milyarder
Dünyanın ən zəngin adamı, ABŞ-ın “Amazon” korporasiyasının rəhbəri Ceff Bezos dünya tarixində sərvəti 200 mlrd. dolları keçən ilk milyarder oldu.
Lakin, milyarder bu pillədə çox qalmayıb. Belə ki, çərşənbə günü Bezosun sərvəti 199,7 mlrd. dollar həcmində qiymətləndirilib. Buna baxmayaraq, hətta bu göstərici ilə Bezos dünya milyarderlərinin ilk pilləsindədir. İyulun 2-də Bezosun sərvəti 4 sentyabr 2018-ci ildə əldə edilmiş əvvəlki rekordu yeniləyib və 172 mlrd. dollar təşkil edib.
Bu vəziyyət “Amazon” səhmlərinin dəyərində davamlı artım fonunda müşahidə olunur – çərşənbə axşamı günün sonunadək bir səhmin dəyəri 1,18% artaraq 3 346,49 dollara çatıb, şirkətin kapitallaşması isə 1,68 trln. dollara yüksəlib. Bezos “Amazon”un 11,1% səhmlərinə sahibdir. O, 2017-ci ildən bəri “Forbes”in ən zəngin adamları reytinqinə başçılıq edir.
Mənbə: APA
About The Author
