Türkiyədə koronavirusdan sağalanların sayı 210 mini keçib
Türkiyədə yeni növ koronavirus (COVID-19) infeksiyasından son 24 saatda 17 nəfər ölüb. Bununla da COVID-19-dan ölü sayı 5630 nəfərə çatıb.
Bu barədə Səhiyyə naziri Fəxrəddin Qoca özünün “Twitter” səhifəsində yazıb.
Nazir bildirib ki, gün ərzində 45 283 şübhəli koronavirus testindən keçib, onlardan 919-nun cavabı pozitiv çıxıb, bu gün daha 982 xəstə sağalıb.
Türkiyədə indiyədək 227 019 nəfər yeni növ koronavirus infeksiyasına yoluxub, onlardan 210 469 nəfər müalicə olunaraq evə buraxılıb.
Mənbə: APA
About The Author
